ಅಂತು ಮಳೆ ನಿಂತು ಹೋದಮೇಲೆ
ಬಂತು ಬಣ್ಣಬಣ್ಣದ ಬಿಲ್ಲು ಬಾಗಿ
ಎಂತು ವರ್ಣಿಸಲಿ ಸಪ್ತವರ್ಣಗಳಾ
ತುಂತುರು ಹನಿಗಳ ಹೂ ಚೆಲ್ಲಾಟ
ಇಂತು ಸೊಬಗು ಸೃಷ್ಟಿಯ ವೈಭವ
ಕಾಂತೆ ನೋಡೆಂದೆ ಬಳಿಗೆ ಕರೆದು
ಅಂಬುವಾಹಗಳ ಇಣುಕಿನಲಿ
ಅಂಭೋಜದಂತೆ ಅರಳಿದೆ
ಅಂಬುಧರನಿಗೆ ಕಿರೀಟವಾಗಿ
ಅಂಬುಗಾರನ್ಯಾರಿಹನು…?
ಅಂಬುಜಮಿತ್ರನ ನಗುವಿನಲಿ
ಅಂಬಿರಿವಿಡಾಗಿದೆ ಧರೆಗೆ…
ಮಂದ ಮಾರುತವು ಬೀಸುತ್ತಿರಲು
ಮಂದಾಕಿನಿಯಂತೆ ಹೋಳೆಯುತ್ತಾ
ಮಂದಹಾಸ ಬೀರುತಿದೆ ಧರೆಯು
ಮಂದರಗಳು ಮೈಪುಳಕಗೊಂಡು
ಮಂದಗಮನೆಯಂತೆ ನಗುತಿಹಳು
ಮಂದಜ ಮಳೆಯಲಿ ಜೊತೆಯಲಿ
ಸಂಪ್ರಾಪ್ತಿಗೊಂಡಿದೆ ಭೂಸ್ವರ್ಗ
ಸಂಪ್ರೋಕ್ತವಾಗಿದೆ ಪ್ರಕೃತಿ
ಸಂಪ್ರೋಕ್ಷಣಗೊಂಡಿದೆ ಸಂತಸ
ಸಂಪ್ರಾಪ್ತವಿದು ಸಂಪ್ರದಾನವಿದು
ಸಂಪ್ರೇಕ್ಷಕರಿಗೆಹಬ್ಬವಿದು ಸೊಬಗು
ಸಂಪ್ರೀತಿತೋರೋಣ ಪ್ರಕೃತಿಗೆ
ಮಧುನಾಯ್ಕ.ಲಂಬಾಣಿ
ಹೂವಿನಹಡಗಲಿ