ಮನೆಯ ವೃದ್ಧರು ಏಕೆ ಇಷ್ಟು ಅಸಡ್ಡೆಗೊಳಗಾದರು ತಿಳಿಯಲಿಲ್ಲ
ಆಧಾರಸ್ತಂಭಗಳು ಕಾಲಾಂತರದಲಿ ಅದುರುವಂತಾದುದು ಕಾಣಲಿಲ್ಲ
ಹೊಲಸು ಮಾಡಿಕೊಂಡ ಮಗುವನು ಅಮ್ಮತೊರೆಯಲಾರಳು ಹೇಸಿಕೊಂಡು
ಅಮ್ಮಅಪ್ಪನ ಶಕ್ತಿಹೀನ ದಿನಚರಿಯ ಮಕ್ಕಳು ಚೂರು ಸಹಿಸಲಿಲ್ಲ
ಮಾತೊಂದ ಹಲವು ಬಾರಿ ತೊದಲಲು ಸಂಭ್ರಮಪಡುವವರು ಅವರು
ಹೆತ್ತವರ ಒಂದೆರಡು ಮಾತು ಕೇಳಲು ಇಂದು ಯಾರಿಗೂ ಸಮಯವಿಲ್ಲ
ಸಿಸ್ತಾಗಿರದ ತಾಯ್ತಂದೆಯರ ತೊರೆದು ಹೋಗಲು ನಾವು ತಡಮಾಡಲಿಲ್ಲ
ಅಸಿಸ್ತಿನ ಮಗುವನು ಒಪ್ಪ ಮಾಡದೆ ಹಾಗೆ ಅವರೆಂದೂ ಬಿಡುವದಿಲ್ಲ
ಸಂಸ್ಕಾರ ಮಕ್ಕಳಿಗೆ ಬೋಧಿಸಿ ತಿಳಿಸಬಹುದಾದ ಪಾಠವಲ್ಲ ಜ್ಯೋತಿ
ನಾವೇ ಖುದ್ದಾಗಿ ನಡೆದು ತೋರಿಸಬೇಕಾದ ಹಾದಿಯದು ನಡೆಯಲಿಲ್ಲ.
ಜ್ಯೋತಿ ಬಿ ದೇವಣಗಾವ್
