ಕೊತ್ತಂಬರಿ ಅಥವಾ ಧನಿಯಾವನ್ನು ಎಲ್ಲಾ ಆಹಾರದಲ್ಲೂ ಬಳಸಲಾಗುತ್ತದೆ. ಹಾಗೂ ಅದರ ಸುವಾಸನೆ ಕೂಡ ತುಂಬ ಚೆನ್ನಾಗಿರುತ್ತದೆ. ಅದು ಯಾವುದೇ ಕರಿ, ಯಾವುದೇ ರೀತಿಯ ಅನ್ನದಿಂದ ಮಾಡಿದ ತಿಂಡಿಗೆ ಅಥವಾ ಇತರೆ ಆಹಾರಗಳಿಗೆ ಉತ್ತಮ ಸವಿಯಾದ ರುಚಿಯನ್ನು ನೀಡುತ್ತದೆ. ಇದನ್ನು ವಾರದವರೆಗೆ ತಾಜಾವಾಗಿರಿಸುವುದು ಒಂದು ಕಠಿಣ ಕಾರ್ಯವಾಗಿದೆ. ಯಾಕೆಂದರೆ, ಇದು ಸಾಮಾನ್ಯವಾಗಿ ಬೇಗ ಕೊಳೆತುಹೊಗುತ್ತದೆ. ಆದರೆ ಈ ರುಚಿಯಾದ ಮತ್ತು ಸೂಪರ್-ಆರೋಗ್ಯಕರ ಕೊತ್ತಂಬರಿಯನ್ನು ಸಂರಕ್ಷಿಸುವ ಸರಿಯಾದ ಮಾರ್ಗ ನಿಮಗೆ ತಿಳಿದಿದ್ದರೆ, ಅದನ್ನು ಒಂದು ವಾರಕ್ಕಿಂತ ಹೆಚ್ಚು ಕಾಲ ತಾಜಾವಾಗಿ ಇಡಬಹುದು. ತಾಜಾ ಕೊತ್ತಂಬರಿಯನ್ನು ಹೆಚ್ಚು ಕಾಲ ಸಂಗ್ರಹಿಸಲು ಕೆಲವು ವಿಸ್ಮಯಕಾರಿಯಾಗಿ ಸರಳ ಮತ್ತು ಮಾಡಬಹುದಾದ ಮಾರ್ಗಗಳನ್ನು ನೋಡೋಣ ಬನ್ನಿ.
ಅರಿಶಿನ ನೀರಿನ ವಿಧಾನ:
- ತಾಜಾ ಕೊತ್ತಂಬರಿ ಸೊಪ್ಪನ್ನು ಖರೀದಿಸಿ ಹಾಗೂ ಮಣ್ಣಿನ ತುಂಬಿದ ಬೇರುಗಳನ್ನು ಕತ್ತರಿಸಿ.
- ಈಗ ಒಂದು ಪಾತ್ರೆಯನ್ನು ತೆಗೆದುಕೊಂಡು, ಅದಕ್ಕೆ ನೀರು ಮತ್ತು ಒಂದು ಟೀ ಚಮಚ ಅರಿಶಿನ ಪುಡಿಯನ್ನು ಸೇರಿಸಿ.
- ಕೊತ್ತಂಬರಿ ಸೊಪ್ಪನ್ನು ಅರಿಶಿನ ನೀರಿನಲ್ಲಿ ಅದ್ದಿ ಸುಮಾರು 30 ನಿಮಿಷಗಳ ಕಾಲ ಇರಿಸಿ. ನಂತರ ತೊಳೆಯಿರಿ ಮತ್ತು ಸರಿಯಾಗಿ ಒಣಗಲು ಬಿಡಿ. ಎಲೆಗಳು ಸರಿಯಾಗಿ ಒಣಗಿದೆಯೆ ಎಂದು ಖಚಿತಪಡಿಸಿಕೊಳ್ಳಲು, ಅವುಗಳನ್ನು ಕಾಗದದ ಟವಲ್‌ನಿಂದ ಒರಿಸಿ.
- ಕೊತ್ತಂಬರಿ ಸೊಪ್ಪು ಒಣಗಿದ ನಂತರ, ಇನ್ನೊಂದು ಪಾತ್ರೆಯನ್ನು ತೆಗೆದುಕೊಂಡು ಅದನ್ನು ಕಾಗದದ ಟವಲ್‌ನಲ್ಲಿ ಎಲೆಗಳನ್ನು ಸುತ್ತಿಹಿಡಿ. ಇನ್ನೊಂದು ಪೇಪರ್ ಟವೆಲ್ನಿಂದ ಮೇಲ್ಭಾಗವನ್ನು ಕವರ್ ಮಾಡಿ ಮತ್ತು ಮುಚ್ಚಳವನ್ನು ಸರಿಯಾಗಿ ಮುಚ್ಚಿ.
- ಎಲೆಗಳಲ್ಲಿ ಒಂದು ಹನಿ ತೇವಾಂಶವೂ ಉಳಿದಿಲ್ಲ ಎಂದು ಖಚಿತಪಡಿಸಿಕೊಳ್ಳಿ. ಬಿಗಿಯಾದ ಪಾತ್ರೆಯಲ್ಲಿ ರೆಫ್ರಿಜರೇಟರ್‌ನಲ್ಲಿ ಇಡಿ. ಸುಮಾರು ಎರಡು ಮೂರು ವಾರಗಳವರೆಗೆ ಎಲೆಗಳು ತಾಜಾವಾಗಿರುತ್ತವೆ.
ನೀರಿನಲ್ಲಿ ನೆನೆಸುವ ವಿಧಾನ
- ಕೊತ್ತಂಬರಿ ಸೊಪ್ಪಿನ ತುದಿಗಳನ್ನು ಟ್ರಿಮ್ ಮಾಡಿ ಚೆನ್ನಾಗಿ ತೊಳೆಯಿರಿ.
- ಪೇಪರ್ ಟವೆಲ್ ಬಳಸಿ ಸ್ವಚ್ಛ ಎಲೆಗಳನ್ನು ಒಣಗಿಸಿ.
- ಈಗ, ಗಟ್ಟಿಮುಟ್ಟಾದ ಗಾಜಿನ ಜಾರ್‌ನ ಕಾಲು ಭಾಗವನ್ನು ತಂಪಾದ ನೀರಿನಿಂದ ತುಂಬಿಸಿ. ಕೊತ್ತಂಬರಿ ಸೊಪ್ಪನ್ನು ಗಾಜಿನೊಳಗೆ ಇಡಿ. ಎಲ್ಲಾ ಎಲೆಗಳ ತುದಿಗಳು ಮುಳುಗಿದೆಯೆ ಎಂದು ಖಚಿತಪಡಿಸಿಕೊಳ್ಳಿ. ಎಲೆಗಳು ನೀರಿನ ಮೇಲ್ಮೈಗಿಂತ ಮೇಲಿರಬೇಕು. ಎಲೆಗಳು ನೀರಿನ ಮೇಲ್ಮೈಯನ್ನು ಸ್ಪರ್ಶಿಸುತ್ತಿದ್ದರೆ, ನೀವು ಅದರಲ್ಲಿ ಸ್ವಲ್ಪ ನೀರನ್ನು ಹೊರಗೆ ಚೆಲ್ಲಿ.
- ಜಿಪ್-ಲಾಕ್ ಚೀಲವನ್ನು ತೆಗೆದುಕೊಂಡು ಅದನ್ನು ಗಾಜಿನ ಜಾರ್ ಮೇಲೆ ಇರಿಸಿ. ಚೀಲ ತೆರೆಯುವಿಕೆಯು ಸಡಿಲವಾಗಿರಲಿ ಮತ್ತು ರೆಫ್ರಿಜರೇಟರ್‌ನಲ್ಲಿ ಕವರ್ ಜೊತೆಗೆ ಜಾರ್ ಅನ್ನು ಇರಿಸಿ.
- ಪ್ರತಿ ಕೆಲವು ದಿನಗಳ ನಂತರ ನೀವು ನೀರನ್ನು ಬದಲಾಯಿಸಬೇಕು.
- ಈ ವಿಧಾನವನ್ನು ಬಳಸಿಕೊಂಡು ಕೊತ್ತಂಬರಿ ಎರಡು ವಾರಗಳವರೆಗೆ ತಾಜಾವಾಗಿ ಇಡಬಹುದು.
ಜಿಪ್-ಲಾಕ್ ಬ್ಯಾಗ್ ವಿಧಾನ:
ಕೊತ್ತಂಬರಿ ಸೊಪ್ಪನ್ನು ಸರಿಯಾಗಿ ತೊಳೆದು ಒಣಗಲು ಬಿಡಿ.
ಕೊತ್ತಂಬರಿ ಸೊಪ್ಪನ್ನು ಸಣ್ಣ ಬ್ಯಾಚ್‌ಗಳಾಗಿ ವಿಂಗಡಿಸಿ.
ಈಗ, ಕಾಗದದ ಟವೆಲ್ ತೆಗೆದುಕೊಂಡು, ಕೊತ್ತಂಬರಿ ಸೊಪ್ಪಿನ ಒಂದು ಬ್ಯಾಚ್ ಇಟ್ಟು ಮತ್ತು ಒಮ್ಮೆ ರೋಲ್ ಮಾಡಿ.
ಮತ್ತೊಂದು ಬ್ಯಾಚ್ ತೆಗೆದುಕೊಂಡು ಇನ್ನೊಂದು ತುದಿಯಿಂದ ಒಮ್ಮೆ ಸುತ್ತಿಕೊಳ್ಳಿ.
ಇತರ ಬ್ಯಾಚ್‌ಗಳಿಗೆ ಈ ಪ್ರಕ್ರಿಯೆಯನ್ನು ಪುನರಾವರ್ತಿಸಿ. ಒಮ್ಮೆ ಮಾಡಿದ ನಂತರ, ಸುತ್ತಿಕೊಂಡ ಬ್ಯಾಚ್‌ಗಳನ್ನು ಜಿಪ್-ಲಾಕ್ ಚೀಲದಲ್ಲಿ ಇರಿಸಿ.
ಒಮ್ಮೆ ನೀವು ಬ್ಯಾಚ್‌ಗಳನ್ನು ಚೀಲಗಳಲ್ಲಿ ಸೇರಿಸಿದ ನಂತರ; ಚೀಲಗಳನ್ನು ಸರಿಯಾಗಿ ಲಾಕ್ ಮಾಡಿ ಮತ್ತು ರೆಫ್ರಿಜರೇಟರ್‌ನಲ್ಲಿ ಇರಿಸಿ.ಈ ವಿಧಾನವು ಕೊತ್ತಂಬರಿ ಸೊಪ್ಪನ್ನು ಎರಡು ವಾರಗಳಿಗಿಂತ ಹೆಚ್ಚು ಕಾಲ ತಾಜಾವಾಗಿರಿಸಿಕೊಳ್ಳಬಹುದು.
