ನೋಟದೊಳಗೆ ನೋಟ ಬೆರೆಸಿ ಒಲವು ಮೂಡಿತು
ಸವಿಮಾತಿನಲಿ ಜೇನು ಹರಿದು ಒಲವು ಮೂಡಿತು
ಘಳಿಗೆಗೊಮ್ಮೆ ಕೊರಳು ಕೊಂಕಿಸೆನ್ನ ಸೆಳೆಯುವೆ
ಚಲಿಸುವ ಕಡೆಗಣ್ಣ ನೋಟಕೆ ಒಲವು ಮೂಡಿತು
ನೀಲಿಯ ಸೀರೆಯ ತುಂಬ ಹೂ ಗೊಂಚಲ ಚಿತ್ರ ಪರಿಷೆ
ಮಧುರ ದನಿ ಮನ ತಣಿಸಿ ಒಲವು ಮೂಡಿತು
ಆಳ ನಿಲುಕದ ಆಂತರ್ಯ ಗಂಭೀರೆ ಮಂದಾರವದನೆ
ಎದುರಿನ ಮೊಗದಿ ನಗು ತರಿಸಿ ಒಲವು ಮೂಡಿತು
ಬಗೆಬಗೆಯಲಿ ಕಾಡುವೆ ಏಕೆ “ಚಿಜ್ಜ್ಯೋತಿ”ಯೆ
ನಿನ್ನ ಗೈರುಕೂಡ ನೆನಪು ಸ್ಪುರಿಸಿ ಒಲವು ಮೂಡಿತು.
ಜ್ಯೋತಿ ಬಿ ದೇವಣಗಾವ.
