Sesame Seeds Benefits: ನಮ್ಮಲ್ಲಿ ಬಗೆ ಬಗೆಯ ಆಹಾರ ತಯಾರಿಸಲು ಎಳ್ಳನ್ನು ಬಳಕೆ ಮಾಡುತ್ತೇವೆ. ಸಿಹಿ ಆಗಲಿ ಖಾರದ ಆಹಾರ ಪದಾರ್ಥಗಳಾಗಲಿ ಅದಕ್ಕೊಂದು ಚೂರು ಎಳ್ಳು ಹಾಕಿದರೆ ಸಾಕು ಅದರ ರುಚಿನೇ ಬೇರೆ. ಹೆಚ್ಚಾಗಿ ನಾವು ಎಳ್ಳು ಬಳಕೆ ಮಾಡುತ್ತೇವೆಯಾದರೂ ಇದರ ಆರೋಗ್ಯಕರ ಪ್ರಯೋಜನಗಳನ್ನು ಅಷ್ಟಾಗಿ ತಿಳಿದಿಲ್ಲ.
ಈ ಚಿಕ್ಕ ಬೀಜ ಜೀವಸತ್ವಗಳು ಮತ್ತು ಖನಿಜಗಳಿಂದ ಸಮೃದ್ಧವಾಗಿದೆ. ಇದು ವಿಶ್ವದ ಆರೋಗ್ಯಕರ ಆಹಾರಗಳಲ್ಲಿ ಒಂದಾಗಿದೆ. ಈ ಚಿಕ್ಕ ಎಳ್ಳನ್ನು ಲಘುವಾಗಿ ಹುರಿದು ಆಹಾರಕ್ಕೆ ಸೇರಿಸುವುದರಿಂದ ಆಹಾರವು ತುಂಬಾ ರುಚಿಕರವಾಗಿರುತ್ತದೆ. ಜೊತೆಗೆ ಇದನ್ನು ಹಸಿಯಾಗಿಯೂ ತಿನ್ನಬಹುದು.
ಎಳ್ಳಿನ ಬೀಜಗಳ ವಿಧಗಳು:-
ಎಳ್ಳು ದೈನಂದಿನ ಅಡುಗೆಯಲ್ಲಿ ಬಳಸಲಾಗುವ ಚಿಕ್ಕ ಬೀಜವಾಗಿದೆ. ಈ ಎಳ್ಳು ಬಿಳಿ ಮತ್ತು ಕಪ್ಪು ಎಂಬ ಎರಡು ಬಣ್ಣಗಳಲ್ಲಿ ಲಭ್ಯವಿದೆ. ಎಳ್ಳು ಬೀಜಗಳನ್ನು ಸುವಾಸನೆಗಾಗಿ ಏಷ್ಯಾದಲ್ಲಿ ಹೆಚ್ಚಾಗಿ ಆಹಾರಕ್ಕೆ ಸೇರಿಸಲಾಗುತ್ತದೆ. ಹೀಗೆ ಬಳಸಲಾಗುವ ಈ ಪುಟ್ಟ ಬೀಜದ ಕಾಳಿನಲ್ಲಿ ಹಲವಾರು ಆರೋಗ್ಯಕರ ಪ್ರೆಯೋಜನಗಳಿವೆ. ಹಾಗಾದರೆ ಎಳ್ಳು ನಮ್ಮ ದೇಹಕ್ಕೆ ಎಷ್ಟು ಒಳ್ಳೆಯದು?
ಎಳ್ಳಿನಲ್ಲಿರುವ ಹಲವಾರು ಆರೋಗ್ಯಕರ ಪ್ರಯೋಜನಗಳೇನು ಎನ್ನುವುದನ್ನು ತಿಳಿಯೋಣ.
ಕಪ್ಪು ಎಳ್ಳು ಬೀಜಗಳಿಗಿಂತ ಬಿಳಿ ಎಳ್ಳು ಕಬ್ಬಿಣದಲ್ಲಿ ಸಮೃದ್ಧವಾಗಿದೆ. ಆದರೆ ಕಪ್ಪು ಎಳ್ಳು ಬಿಳಿ ಎಳ್ಳಿಗಿಂತ ಉತ್ತಮ ಪರಿಮಳವನ್ನು ಹೊಂದಿರುತ್ತದೆ. ಅಲ್ಲದೆ ಕಪ್ಪು ಎಳ್ಳು ಬಿಳಿ ಎಳ್ಳಿಗಿಂತ 60% ಹೆಚ್ಚು ಕ್ಯಾಲ್ಸಿಯಂ ಅನ್ನು ಹೊಂದಿರುತ್ತದೆ.
ಎಳ್ಳಿನ ಎಣ್ಣೆಯು ಒಮೆಗಾ -6 ಕೊಬ್ಬಿನಾಮ್ಲಗಳು, ಫ್ಲೇವನಾಯ್ಡ್ ಫೀನಾಲಿಕ್ ಉತ್ಕರ್ಷಣ ನಿರೋಧಕಗಳು, ವಿಟಮಿನ್ಗಳು ಮತ್ತು ಆಹಾರದ ಫೈಬರ್ಗಳಂತಹ ಫೈಟೊನ್ಯೂಟ್ರಿಯಂಟ್ಗಳಲ್ಲಿ ಸಮೃದ್ಧವಾಗಿದೆ. ಹಾಗಾದರೆ ಈ ಎಳ್ಳನ್ನು ಪ್ರತಿನಿತ್ಯ ಸೇವಿಸುವುದರಿಂದ ಆಗುವ ಲಾಭಗಳೇನು ಎಂಬುದನ್ನು ಈಗ ನೋಡೋಣ.
ಎಳ್ಳಿನ ಬೀಜಗಳಲ್ಲಿರುವ ಪೌಷ್ಟಿಕಾಂಶ:-
ಎಳ್ಳಿನಲ್ಲಿ ಪ್ರೋಟೀನ್, ಜಿಂಕ್ ಮತ್ತು ಐರನ್ ಹೆಚ್ಚಿದ್ದು, ಇದರಲ್ಲಿ ಹೆಚ್ಚು ಆ್ಯಂಟಿ ಆಕ್ಸಿಡೆಂಟ್ಗಳಿದ್ದು, ಜೀವಕೋಶದ ಸಮಸ್ಯೆಗಳನ್ನು ನಿವಾರಿಸಲು ಸಹಾಯ ಮಾಡುತ್ತದೆ. 30 ಜನರ ಮೇಲೆ ನಡೆಸಿದ ಒಂದು ಸಣ್ಣ ಅಧ್ಯಯನವು 4 ವಾರಗಳ ಕಾಲ ಪ್ರತಿದಿನ 2.5 ಗ್ರಾಂ ಕಪ್ಪು ಎಳ್ಳು ಸೇವಿಸುವುದರಿಂದ ಸಾಮಾನ್ಯವಾಗಿ ರಕ್ತದೊತ್ತಡದ ಮಟ್ಟವು ಕಡಿಮೆಯಾಗುತ್ತದೆ ಎಂದು ಕಂಡುಹಿಡಿದಿದೆ.
ಎಳ್ಳಿನಲ್ಲಿರುವ ಆರೋಗ್ಯಕರ ಪ್ರಯೋಜನಗಳು: –
- ಎಳ್ಳು ಹೆಚ್ಚು ಪ್ರೋಟೀನ್ ಹೊಂದಿದೆ
ಎಳ್ಳು ಬೀಜಗಳು ಆಹಾರದ ಪ್ರೋಟೀನ್‌ಗಳೊಂದಿಗೆ ಉತ್ತಮ ಗುಣಮಟ್ಟದ ಅಮೈನೋ ಆಮ್ಲಗಳಿಂದ ಸಮೃದ್ಧವಾಗಿವೆ. ಆರೋಗ್ಯಕರ ಪ್ರೋಟೀನ್ ಇದರಲ್ಲಿರುವುದರಿಂದ ಪ್ರತಿದಿನ ಒಂದು ಚಮಚ ಎಳ್ಳನ್ನು ತಿನ್ನುವುದರಿಂದ ಆರೋಗ್ಯ ವೃದ್ಧಿಯಾಗುತ್ತದೆ. - ಮಧುಮೇಹ ತಡೆಯುವ ಎಳ್ಳು
ಎಳ್ಳು ಮೆಗ್ನೀಸಿಯಮ್ ಮತ್ತು ಇತರ ಪೋಷಕಾಂಶಗಳಲ್ಲಿ ಸಮೃದ್ಧವಾಗಿದೆ. ಎಳ್ಳು ಅಥವಾ ಎಳ್ಳಿನ ಎಣ್ಣೆ ಮಧುಮೇಹವನ್ನು ತಡೆಯುತ್ತದೆ ಎಂದು ಅಧ್ಯಯನಗಳು ತೋರಿಸುತ್ತವೆ. ಇದು ಅತಿಸೂಕ್ಷ್ಮ ಮಧುಮೇಹಿಗಳಲ್ಲಿ ಪ್ಲಾಸ್ಮಾ ಗ್ಲೂಕೋಸ್ ಅನ್ನು ಸುಧಾರಿಸುತ್ತದೆ. - ರಕ್ತದೊತ್ತಡ ನಿವಾರಣೆ
ಎಳ್ಳು ಮತ್ತು ಮಧುಮೇಹದ ಮೇಲೆ ನಡೆಸಿದ ಅಧ್ಯಯನದಿಂದಾಗಿ ಈ ಎಳ್ಳು ಬೀಜಗಳು ರಕ್ತದೊತ್ತಡವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ ಎಂದು ತಿಳಿದುಬಂದಿದೆ. ಏಕೆಂದರೆ ಎಳ್ಳಿನಲ್ಲಿ ಮೆಗ್ನೀಸಿಯಮ್ ಅಧಿಕವಾಗಿರುತ್ತದೆ. ಇದು ರಕ್ತದೊತ್ತಡವನ್ನು ಕಡಿಮೆ ಮಾಡಲು ಸಹಾಯ ಮಾಡುವ ಮುಖ್ಯ ಪೋಷಕಾಂಶವನ್ನು ಹೊಂದಿದೆ. - ಕೊಲೆಸ್ಟ್ರಾಲ್ ಮಟ್ಟ ಕಡಿಮೆ
ಎಳ್ಳು ಕೊಲೆಸ್ಟ್ರಾಲ್ ಮಟ್ಟವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ. ಏಕೆಂದರೆ ಇದರಲ್ಲಿರುವ ಫೈಟೊಸ್ಟೆರಾಲ್ಗಳು ಕೊಲೆಸ್ಟ್ರಾಲ್ ಉತ್ಪಾದನೆಯನ್ನು ತಡೆಯುತ್ತವೆ. ಕಪ್ಪು ಎಳ್ಳು ಬೀಜಗಳು ವಿಶೇಷವಾಗಿ ಫೈಟೊಸ್ಟೆರಾಲ್ಗಳಲ್ಲಿ ಸಮೃದ್ಧವಾಗಿವೆ. ಹಾಗಾಗಿ ಕೊಲೆಸ್ಟ್ರಾಲ್ ಸಮಸ್ಯೆ ಇರುವವರು ಕಪ್ಪು ಎಳ್ಳು ತಿನ್ನುವುದು ತುಂಬಾ ಒಳ್ಳೆಯದು. - ಜೀರ್ಣಕ್ರಿಯೆ ಶಕ್ತಿ ನೀಡುವ ಎಳ್ಳು
ಎಳ್ಳು ಬೀಜಗಳಲ್ಲಿ ಫೈಬರ್ ಸಮೃದ್ಧವಾಗಿದೆ. ಹಾಗಾಗಿ ಪ್ರತಿನಿತ್ಯ ಒಂದು ಚಮಚ ಎಳ್ಳನ್ನು ತಿನ್ನುವುದರಿಂದ ಕರುಳು ಸುಗಮವಾಗುವುದು. ಜೀರ್ಣಕ್ರಿಯೆ ಸಮಸ್ಯೆಗಳು ನಿವಾರಣೆಯಾಗುವುದು ಮತ್ತು ಕರುಳಿನಲ್ಲಿರುವ ತ್ಯಾಜ್ಯ ಪದಾರ್ಥಗಳು ಸರಿಯಾಗಿ ಹೊರಬರಲು ಸಹಾಯವಾಗುತ್ತದೆ. - ಆರೋಗ್ಯಕರ ಚರ್ಮ ನಿಮ್ಮದಾಗಿಸುವ ಎಳ್ಳು
ಎಳ್ಳು ಬೀಜಗಳಲ್ಲಿ ಸತುವು ಸಮೃದ್ಧವಾಗಿದೆ. ಇದು ಕಾಲಜನ್ ಉತ್ಪಾದನೆಗೆ ಸಹಾಯ ಮಾಡುತ್ತದೆ. ಚರ್ಮದ ಸ್ಥಿತಿಸ್ಥಾಪಕತ್ವವನ್ನು ನೀಡುತ್ತದೆ ಮತ್ತು ಹಾನಿಗೊಳಗಾದ ಚರ್ಮದ ಅಂಗಾಂಶವನ್ನು ಪುನರುತ್ಪಾದಿಸಲು ಸಹಾಯ ಮಾಡುತ್ತದೆ. ಆದ್ದರಿಂದ ನಿಮ್ಮ ತ್ವಚೆಯು ಸುಂದರ ಮತ್ತು ಆರೋಗ್ಯಕರವಾಗಿರಬೇಕೆಂದು ನೀವು ಬಯಸಿದರೆ, ನಿಮ್ಮ ದೈನಂದಿನ ಆಹಾರದಲ್ಲಿ ಎಳ್ಳು ಅಥವಾ ಎಳ್ಳಿನ ಎಣ್ಣೆಯನ್ನು ಸೇರಿಸಿ. ಇದರಿಂದ ಚರ್ಮದ ಕ್ಯಾನ್ಸರ್ ಕಡಿಮೆಯಾಗುತ್ತದೆ. - ಹೃದಯದ ಆರೋಗ್ಯ ಕಾಪಾಡುವ ಎಳ್ಳು
ಎಳ್ಳಿನ ಎಣ್ಣೆ ಹೃದಯದ ಆರೋಗ್ಯಕ್ಕೆ ಸಹಾಯ ಮಾಡುತ್ತದೆ. ಇದರ ಉತ್ಕರ್ಷಣ ನಿರೋಧಕ ಮತ್ತು ಉರಿಯೂತದ ಗುಣಲಕ್ಷಣಗಳಾದ ಸೆಸಮಾಲ್, ಅಪಧಮನಿಯ ನಾಳಗಳಲ್ಲಿ ಅಡಚಣೆಯನ್ನು ತಡೆಯುತ್ತದೆ ಮತ್ತು ಹೃದಯದ ಆರೋಗ್ಯವನ್ನು ಉತ್ತೇಜಿಸುತ್ತದೆ. - ಕ್ಯಾನ್ಸರ್ ತಡೆಗಟ್ಟುವ ಎಳ್ಳು
ಎಳ್ಳು ಬೀಜಗಳಲ್ಲಿ ಫೈಟಿಕ್ ಆಸಿಡ್, ಮೆಗ್ನೀಸಿಯಮ್ ಮತ್ತು ಫೈಟೊಸ್ಟೆರಾಲ್ಗಳು ಕ್ಯಾನ್ಸರ್ ವಿರೋಧಿ ಗುಣಲಕ್ಷಣಗಳೊಂದಿಗೆ ಸಮೃದ್ಧವಾಗಿವೆ. ಹಾಗಾಗಿ ಇದನ್ನು ಪ್ರತಿದಿನ ಸೇವಿಸಿದರೆ ಕ್ಯಾನ್ಸರ್ ಬರುವ ಅಪಾಯವನ್ನು ಕಡಿಮೆ ಮಾಡಬಹುದು. - ಒತ್ತಡ ನಿವಾರಣೆಯ ಎಳ್ಳು
ಎಳ್ಳು ಬೀಜಗಳಲ್ಲಿ ಮೆಗ್ನೀಸಿಯಮ್ ಮತ್ತು ಕ್ಯಾಲ್ಸಿಯಂನಂತಹ ಖನಿಜಗಳು ಸಮೃದ್ಧವಾಗಿವೆ. ಇದು ಒತ್ತಡವನ್ನು ನಿವಾರಿಸಲು ಸಹಾಯ ಮಾಡುತ್ತವೆ. ಇದು ಥಯಾಮಿನ್ ಮತ್ತು ಟ್ರಿಪ್ಟೊಫಾನ್‌ನಂತಹ ಶಾಂತಗೊಳಿಸುವ ವಿಟಮಿನ್‌ಗಳನ್ನು ಹೊಂದಿದೆ. ಇದು ಸಿರೊಟೋನಿನ್ ಉತ್ಪಾದನೆಗೆ ಸಹಾಯ ಮಾಡುತ್ತದೆ. ದೈಹಿಕ ನೋವು ಮತ್ತು ಒತ್ತಡವನ್ನು ನಿವಾರಿಸುತ್ತದೆ ಮತ್ತು ರಾತ್ರಿಯ ನಿದ್ರೆಯನ್ನು ಪಡೆಯಲು ಸಹಾಯ ಮಾಡುತ್ತದೆ. - ರಕ್ತಹೀನತೆಗೆ ರಾಮಬಾಣ
ಬಿಳಿ ಎಳ್ಳು ಬೀಜಗಳಿಗಿಂತ ಕಪ್ಪು ಎಳ್ಳು ಕಬ್ಬಿಣದಲ್ಲಿ ಸಮೃದ್ಧವಾಗಿದೆ. ಆದ್ದರಿಂದ ಕಬ್ಬಿಣದ ಕೊರತೆಯ ರಕ್ತಹೀನತೆಯನ್ನು ತ್ವರಿತವಾಗಿ ತೊಡೆದುಹಾಕಲು ಎಳ್ಳನ್ನು ಪ್ರತಿದಿನ ಸೇವಿಸುವುದು ಉತ್ತಮ. - ಡಿಎನ್ಎ ಹಾನಿ
ಎಳ್ಳಿನಲ್ಲಿರುವ ಸೆಸಾಮೊಲ್ ಎಂಬ ವಸ್ತು ವಿಕಿರಣದಿಂದ ಉಂಟಾಗುವ ಡಿಎನ್ಎ ಹಾನಿಯಿಂದ ರಕ್ಷಿಸುತ್ತದೆ ಎಂದು ಅಧ್ಯಯನವೊಂದು ಕಂಡುಹಿಡಿದಿದೆ. ಆದ್ದರಿಂದ ಪ್ರತಿದಿನ ಖಾಲಿ ಹೊಟ್ಟೆಯಲ್ಲಿ 1 ಚಮಚ ಎಳ್ಳನ್ನು ತಿನ್ನುವ ಅಭ್ಯಾಸ ಮಾಡಿಕೊಳ್ಳಿ. - ಸಂಧಿವಾತ
ಇತ್ತೀಚಿನ ದಿನಗಳಲ್ಲಿ ಅನೇಕ ಜನರು ಸಂಧಿವಾತದ ಸಮಸ್ಯೆಯನ್ನು ಎದುರಿಸುತ್ತಿದ್ದಾರೆ. ಇಂತವರು ನಿತ್ಯವೂ ಎಳ್ಳು ಬೆಲ್ಲ ತಿನ್ನುವುದು ಉತ್ತಮ. ಇದು ಸಂಧಿವಾತ ಸಮಸ್ಯೆಗಳಿಂದ ಪರಿಹಾರವನ್ನು ನೀಡುತ್ತದೆ ಮತ್ತು ಮೂಳೆಗಳು, ಕೀಲುಗಳು ಮತ್ತು ರಕ್ತನಾಳಗಳನ್ನು ಬಲಪಡಿಸುತ್ತದೆ.
13.ಯಕೃತ್ತಿನ ಆರೋಗ್ಯ
ಆಲ್ಕೋಹಾಲ್ ಕುಡಿಯುವ ಅಭ್ಯಾಸ ಹೊಂದಿರುವ ಜನರು ಯಕೃತ್ತನ್ನು ವೇಗವಾಗಿ ಹಾನಿಗೊಳಿಸಿಕೊಳ್ಳುತ್ತಾರೆ. ಅಂತಹವರು ದಿನಾಲೂ ಎಳ್ಳು ಬೆಲ್ಲ ತಿಂದರೆ ಮದ್ಯಪಾನದಿಂದ ಯಕೃತ್ ಗೆ ಆಗುವ ಹಾನಿ ತಡೆದು ಯಕೃತ್ ಕಾರ್ಯದ ಆರೋಗ್ಯ ಸುಧಾರಿಸುತ್ತದೆ.
- ಯುವಿ ಕಿರಣಗಳಿಂದ ರಕ್ಷಣೆ
ಎಳ್ಳು ಬೀಜಗಳು ಸೂರ್ಯನ ಹಾನಿಕಾರಕ ಯುವಿ ಕಿರಣಗಳಿಂದ ಚರ್ಮಕ್ಕೆ ಹಾನಿಯಾಗದಂತೆ ತಡೆಯುತ್ತದೆ. ಚರ್ಮದ ಸುಕ್ಕುಗಳು ಮತ್ತು ಚರ್ಮವು ಕಪ್ಪಾಗುವುದನ್ನು ತಡೆಯುತ್ತವೆ. ಹಾಗಾಗಿ ಯೌವನದಿಂದ ಇರಲು ಬಯಸುವವರು ಪ್ರತಿದಿನ ಎಳ್ಳನ್ನು ಸೇವಿಸಬೇಕು. - ಮೂಳೆ ಆರೋಗ್ಯ ಎಳ್ಳು ನಿನ್ನ ಕೈಯಲ್ಲಿ
ಒಂದು ಹಿಡಿ ಎಳ್ಳು ಒಂದು ಲೋಟ ಹಾಲಿಗಿಂತ ಹೆಚ್ಚು ಕ್ಯಾಲ್ಸಿಯಂ ಅನ್ನು ಹೊಂದಿರುತ್ತದೆ. ಅಲ್ಲದೆ, ಎಳ್ಳಿನಲ್ಲಿರುವ ಸತುವು ಮೂಳೆಯ ಸಾಂದ್ರತೆಯನ್ನು ಸುಧಾರಿಸುತ್ತದೆ. ಆದ್ದರಿಂದ ನೀವು ಮೂಳೆ ಸಂಬಂಧಿತ ಸಮಸ್ಯೆಗಳನ್ನು ತಪ್ಪಿಸಲು ಬಯಸಿದರೆ, ಪ್ರತಿದಿನ ಕನಿಷ್ಠ ಒಂದು ಚಮಚ ಎಳ್ಳನ್ನು ಸೇವಿಸಿ. - ಉಸಿರಾಟದ ಆರೋಗ್ಯ ಎಳ್ಳಿನಿಂದ ನಿವಾರಣೆ
ಎಳ್ಳಿನಲ್ಲಿರುವ ಹೆಚ್ಚಿನ ಮೆಗ್ನೀಸಿಯಮ್ ಉಸಿರಾಟದ ತೊಂದರೆಗಳಾದ ಅಸ್ತಮಾ ಮತ್ತು ಇತರ ಸಮಸ್ಯೆಗಳನ್ನು ತಡೆಯಲು ಸಹಾಯ ಮಾಡುತ್ತದೆ. ಆದ್ದರಿಂದ ಅಸ್ತಮಾ ಇರುವವರು ಪ್ರತಿದಿನ ಬೆಳಗ್ಗೆ ಖಾಲಿ ಹೊಟ್ಟೆಯಲ್ಲಿ ಎಳ್ಳನ್ನು ಸೇವಿಸಿದರೆ ಅಸ್ತಮಾದಿಂದ ಮುಕ್ತಿ ಪಡೆಯಬಹುದು. - ಕಣ್ಣಿನ ಆರೋಗ್ಯಕ್ಕೆ ಎಳ್ಳು
ಸಾಂಪ್ರದಾಯಿಕ ಚೀನೀ ಔಷಧದ ಪ್ರಕಾರ, ಯಕೃತ್ತು ಮತ್ತು ಕಣ್ಣುಗಳು ಸಂಬಂಧಿಸಿವೆ. ಯಕೃತ್ತು ಕಣ್ಣುಗಳಿಗೆ ರಕ್ತವನ್ನು ಪೂರೈಸುವ ಮೂಲಕ ಅವುಗಳ ಆರೋಗ್ಯಕರ ಕಾರ್ಯನಿರ್ವಹಣೆಯನ್ನು ಬೆಂಬಲಿಸುತ್ತದೆ. ಕಣ್ಣಿನ ಆರೋಗ್ಯವನ್ನು ಸುಧಾರಿಸಲು ಬಯಸುವವರು ಪ್ರತಿದಿನ ಕಪ್ಪು ಎಳ್ಳನ್ನು ಸೇವಿಸಬೇಕು. ಇದು ಉತ್ತಮ ಫಲಿತಾಂಶಗಳನ್ನು ನೀಡುತ್ತದೆ.
ಎಳ್ಳಿನ ಎಣ್ಣೆಯ ಪ್ರಯೋಜನಗಳು:-
- ಬಾಯಿಯ ಆರೋಗ್ಯಕ್ಕಾಗಿ ಎಳ್ಳು ಬಳಸಿ
ಆಯುರ್ವೇದದ ಪ್ರಕಾರ, ಎಳ್ಳು ಎಣ್ಣೆ ಬಾಯಿಯ ಆರೋಗ್ಯವನ್ನು ಸುಧಾರಿಸಲು ಶಿಫಾರಸು ಮಾಡಲಾಗುತ್ತದೆ. ಮೇಲಾಗಿ ಎಳ್ಳು ಎಣ್ಣೆ ಹಚ್ಚುವುದರಿಂದ ಹಲ್ಲಿನ ಮೇಲಿನ ಹಳದಿ ಕಲೆಗಳು ನಿವಾರಣೆಯಾಗುತ್ತದೆ, ಹಲ್ಲು ಹುಳುಕಾಗುವುದು ಕಡಿಮೆಯಾಗುತ್ತದೆ ಮತ್ತು ಬಾಯಿಯ ಆರೋಗ್ಯ ಮಾತ್ರವಲ್ಲದೆ ದೇಹದ ಒಟ್ಟಾರೆ ಆರೋಗ್ಯವೂ ಸುಧಾರಿಸುತ್ತದೆ. - ಮಗುವಿನ ಆರೋಗ್ಯ
ಎಳ್ಳಿನ ಎಣ್ಣೆಯಿಂದ ಶಿಶುಗಳಿಗೆ ಮಸಾಜ್ ಮಾಡುವುದರಿಂದ ಅವರ ಬೆಳವಣಿಗೆ ಸುಧಾರಿಸುತ್ತದೆ ಮತ್ತು ಮಕ್ಕಳು ಚೆನ್ನಾಗಿ ನಿದ್ದೆ ಮಾಡುತ್ತವೆ. ಮುಖ್ಯವಾಗಿ ಡಯಾಪರ್ ರಾಶ್ ತಡೆಗಟ್ಟಲು ಇದು ಉತ್ತಮ ಬಳಕೆಯಾಗಿದೆ. ಆದ್ದರಿಂದ ನಿಮ್ಮ ಮಗುವಿಗೆ ಪ್ರತಿದಿನ ತೆಂಗಿನ ಅಥವಾ ಎಳ್ಳು ಎಣ್ಣೆಯಿಂದ ಮಸಾಜ್ ಮಾಡಿ.
3.ಆರೋಗ್ಯಕರ ಕೂದಲು
ಎಳ್ಳಿನಲ್ಲಿರುವ ಪೋಷಕಾಂಶಗಳು ನೆತ್ತಿ ಮತ್ತು ಕೂದಲಿನ ಆರೋಗ್ಯವನ್ನು ಸುಧಾರಿಸುತ್ತದೆ. ಅದಕ್ಕಾಗಿ ನೀವು ಎಳ್ಳಿನ ಬೀಜಗಳಿಂದ ಪಡೆದ ತೈಲದೊಂದಿಗೆ ನಿಮ್ಮ ಕೂದಲಿಗೆ ಚಿಕಿತ್ಸೆ ನೀಡುವುದರ ಜೊತೆಗೆ ಎಳ್ಳನ್ನು ಪ್ರತಿದಿನ ತೆಗೆದುಕೊಳ್ಳಬೇಕು. ಇದು ಆರೋಗ್ಯಕರ ಕೂದಲನ್ನು ಪಡೆಯಲು ನಿಮಗೆ ಸಹಾಯ ಮಾಡುತ್ತದೆ.
ಎಳ್ಳಿನ ಬೀಜಗಳ ಸೇವನೆಯಿಮದಾಗುವ ಅಡ್ಡ ಪರಿಣಾಮಗಳು:
- ಎಳ್ಳು ಬೀಜಗಳನ್ನು ಮಿತಿಯಲ್ಲಿ ಸೇವಿಸದಿದ್ದರೆ, ಅವು ರಕ್ತದಲ್ಲಿನ ಗ್ಲೂಕೋಸ್ ಮಟ್ಟವನ್ನು ಸಾಮಾನ್ಯಕ್ಕಿಂತ ಕಡಿಮೆ ಮಾಡಲು ಕಾರಣವಾಗಬಹುದು.
- ಎಳ್ಳು ಬೀಜಗಳ ಅತಿಯಾದ ಸೇವನೆಯು ರಕ್ತದೊತ್ತಡವನ್ನು ಅಪಾಯಕಾರಿಯಾಗಿ ಕಡಿಮೆ ಮಟ್ಟಕ್ಕೆ ಇಳಿಸಬಹುದು.
- ಎಳ್ಳಿನ ನಾರಿನಂಶವು ಹೊಟ್ಟೆಯಲ್ಲಿ ಪದರವನ್ನು ರಚಿಸಬಹುದು, ಇದು ಉಬ್ಬುವಿಕೆ ಮತ್ತು ನೋವನ್ನು ಉಂಟುಮಾಡಬಹುದು.
ಸುನೀತಾ.ಬಿ
