ನಿಂತನಿಂತಲ್ಲಿ ಗುಂಡು ಅಮಾಯಕ ಎದೆ ಸೀಳುತಿದೆ ಬದುಕಲೆಲ್ಲಿ ಓಡುವೆ
ತಾಯ್ನೆಲದ ಮೋಹ ಒಮ್ಮಿಂದೊಮ್ಮಿಗೆ ಅಳಿಯುತಿದೆ ಬದುಕಲೆಲ್ಲಿ ಓಡುವೆ
ಹೆತ್ತೊಡಲ ತಾಪವನು ಅರಿಯದ ಪಾಪಾತ್ಮರ ರಣಕೇಕೆಯ ದೃಶ್ಯವಿದು
ಮಾನವಿಯತೆಯ ಜಂಗಾಬಲವೇ ಉಡುಗುತಿದೆ ಬದುಕಲೆಲ್ಲಿ ಓಡುವೆ
ಜೀವಿಗಳ ಜೀವ ತೆಗೆಯುವ ಕಾನೂನಿಗೆ ಎಂಥಹ ಸ್ವರ್ಗದ ಕನಸಿದ್ದೀತು
ತಾಯ್ನಾಡು ದ್ವೇಷದ ಕೀಡಿಗೆ ಹೊತ್ತಿ ಉರಿಯುತಿದೆ ಬದುಕಲೆಲ್ಲಿ ಓಡುವೆ
ನಾಳೆಗಳಿಗಾಗಿ ಹಡೆದ ಸೂರ್ಯರ ಹೆಣದ ರಾಶಿಯನು ಒಟ್ಟಿರುವರು
ವರ್ತಮಾನವಿಲ್ಲದ ಭವಿತವ್ಯವೀಗ ಮಂಕಾಗುತಿದೆ ಬದುಕಲೆಲ್ಲಿ ಓಡುವೆ
ಸಹೋದರರ ನೆತ್ತರಿನಿಂದ ಬಾಳಬೇಕಾದ ನೆಲ ತೋಯಿಸಿ ನೆನೆಸಿದರು
ಸಲುಹಬೇಕಾದ ಬಾಹುಗಳ ಬಂದುಕು ಹೆಗಲೇರುತಿದೆ ಬದುಕಲೆಲ್ಲಿ ಓಡುವೆ
ವಿಶ್ವಯುದ್ಧಗಳ ಭೀಕರತೆ ಮರು ನೆನೆದವರು ಬೆಚ್ಚಿ ನಡುಗುತಿರುವರು
ವಿಶ್ವಶಾಂತಿಯ ಮಾತುಗಳು ಭೀತಿಗೆ ಶರಣಾಗುತಿದೆ ಬದುಕಲೆಲ್ಲಿ ಓಡುವೆ
ಬೇಟೆಯಾಡುವ ವನ ಮೃಗಗಳಿಗಿಂತ ಕಡೆಯಾಯ್ತುಆಧುನಿಕ ನರಬಾಳ್ವೆ
“ಚಿಜ್ಯೋತಿ”ಯ ಪ್ರಭೆಗೆ ಉನ್ಮಾದದ ಕತ್ತಲಾವರಿಸಿದೆ ಬದುಕಲೆಲ್ಲಿ ಓಡುವೆ
ಜ್ಯೋತಿ ಬಿ ದೇವಣಗಾವ.