ಟಿ.ನರಸೀಪುರ: ಎಸ್.ಎಸ್.ಎಲ್.ಸಿ. ಪರೀಕ್ಷೆಯಲ್ಲಿ 625 ಅಂಕಗಳಿಗೆ 623 ಅಂಕಗಳನ್ನು ಪಡೆದ ಶೃಂಗ ಎಂಬ ವಿದ್ಯಾರ್ಥಿನಿ ತಾಲ್ಲೂಕಿಗೆ ಕೀರ್ತಿ ತಂದಿದ್ದು ಮುಂದೆ ವೈದ್ಯೆಯಾಗಬೇಕೆಂಬ ಗುರಿ ಹೊಂದಿರುವುದಾಗಿ ತಿಳಿಸಿದ್ದಾಳೆ.
ಪಟ್ಟಣದ ತ್ರಿವೇಣಿ ನಗರದಲ್ಲಿ ವಾಸವಾಗಿರುವ ಇವರ ತಂದೆ ಸೋಸಲೆ ನಾಗೇಶ್ ವೃತ್ತಿಯಲ್ಲಿ ಶಿಕ್ಷಕರಾಗಿ ಸೇವೆ ಸಲ್ಲಿಸುತ್ತಿದ್ದು ತಮ್ಮ ಮಗಳ ಸಾಧನೆಗೆ ಆಕೆ ತಾಯಿಯ ಪಾತ್ರ ಮಹತ್ತರವಾಗಿದೆ ಎಂದಿದ್ದಾರೆ.ಸೇಂಟ್ ಮೇರಿಸ್ ಶಾಲೆಯಲ್ಲಿ ಉತ್ತಮ ಶಿಕ್ಷಣ ದೊರೆತ ಕಾರಣ ಹಾಗೂ ಹೆಚ್ಚಿನ ಸಮಯವನ್ನು ಒದುವುದಕ್ಕೆ ಮೀಸಲಿಟ್ಟಿದ್ದರಿಂದ ಈ ಸಾಧನೆಗೈಯಲು ಸಾಧ್ಯವಾಗಿದೆ ಎಂದರು.ಮಗಳ ಇಚ್ಚೆಯಂತೆ ಪಿಸಿಎಂಬಿ ಸೇರಿಸುತ್ತಿದ್ದು ಮುಂದೆ ವೈದ್ಯಳಾಗುವ ಅವಳ ಬಯಕೆಗೆ ಪ್ರೋತ್ಸಾಹಿಸುವುದೊಂದೆ ನಮ್ಮ ಕೆಲಸ ಎಂದರು.
ಎಂ. ನಾಗೇಂದ್ರ ಕುಮಾರ್ ವರದಿಗಾರರು